食水深
(其實我不是想抄C9這篇的題目，但寫完全篇以後，發現沒有比「食水深」更貼切的了)
事情是這樣的，這幾天我在找合適的毛線，想為我媽織一件簡單的外套。送母親的東西當然不能馬虎 — 咳咳，敝母是本網誌的常客，所以我這樣寫當然有點討好之嫌啦，呵呵… 總之，我覺得既然我技術平平，自然要在毛線的質量上搭夠啦。我好日都不織這種大project，送的又是母親大人，實在不想用混有人造纖維的廉價線。但我挑的款式是比較適合春秋穿的，用全羊毛又好像太厚重，在香港春秋穿100%羊毛定會熱昏，不熱昏也會被人當神經病吧。
於是，我就想到用 Sundara 的粗絲羊毛。這種粗線一向都是 Sundara店的鎮店之寶，一半是純絲，另一半是美麗奴羊毛，不太熱又有絲的光澤。雖然售價令人咋舌 — 每一百克售價是美金$32，一件通花中袖外套大約要用400克，長袖套衣大約要800克吧，麻花的大外套則要用1200克以上 — 但這毛線一直很受歡迎，每次上店面就很快被賣光。(真有過甚麼credit crunch 呢? 這兩個字快要變成 urban legend了…)
織一件這樣的小外套，單單毛線，成本就要$128! 不是不嚇人的。再加上Sundara店除非買上$200，否則運費超昂貴。當然她的線全部都賣得很貴，所以要買$200也不是難的。但我作為一個小小的無業婦女，今天開始又要食幾個月老本，當然不敢造次亂花這等錢。Sundara 自然是一個遙遠的夢啦。
本來我想買純白色的毛線，自己親手染，除了省錢，意義也好像更大。反正我只想染單色的毛線，比起混色線來說，難度不算很高，我相信自己應該有能力染到。但這種絲線很難找，在英國根本沒有賣。美國雖然有，但始終從零售商手上買，所以也不便宜，加上運費，就算幸運地沒有被打稅，成本也要$90吧。
今天我在偶然的情況下，發現了一家批發的門路，居然也有賣這種絲線。計上郵費和染料費用，就算訂的量不多，平均郵費較貴，但每100克平均也不超過$10! 據我粗略估計，那些有名的線店訂的量一定不少，染料會有折扣，平均郵費也更低，估計不計人手成本不會超過$8。也就是說，那卷賣$32的毛線，當中有4分之3，買的是她的人手和她染線的高超技巧。
75%… 聽來食水真的不淺，但要說她食水深嗎? 唔… 那經紀行的股票經紀食水深不深? 很多專業人士對社會對公司供獻一般但每月支幾萬薪水，那食水算不算深? 英國人到扒房吃塊像樣西冷少說也要25磅，但自己買回家煮不過是8磅左右，那餐廳的食水深不深?
我想世界上沒有食水深不深的事。只要有市場，只要市場上有人肯買，就沒有東西會是太貴。早陣子聽說中國大陸拍賣了史上第一卷100% cashmere線，一公斤居然賣了接近八十萬。聞說Polo那些套頭毛衣，大陸出廠價不過幾美元而已，在英國專門店卻要賣到八十英磅一件。前幾天在電視上看到Top Gear提到一架跑車，八掛的在網上一看，居然要一千萬港元。還有那個甚麼全球最貴的天價單位，幾億一個單位，不嚇人嗎? 但只要有人買有人要，就不存在「食水深」這回事。
不過從今以後，我真的不想買毛線了。不如慢慢學習，讓自己可以以合理的價錢，染出自己心目中喜歡的線吧。
所以我現在轉戰knitpicks了。
唉，我地呢度冇得賣，所以諗到唔駛諗.. 不過我琴日執屋時見到盒Palette，摸過下覺得佢好似完全冇彈性，我諗織手套就可以，但織襪應該完全唔得，一係會過唔到腳眼，一係就”kool”唔實小腿會跣落黎… 不過我冇機會用其他knitpicks,我估專織襪的knitpicks線可能會好好多..
Sundara冷真係太貴喇。
老力講句， 好多brand既段染冷都做得好靚好出色， 無需要就去買佢。 用佢既冷黎織一件外套真係貴得過份。
要handpainted yarn上etsy都見到，都唔洗sundara咁貴。
madelinetosh,misti alpaca既handpaint都係唔錯既選擇。
如果唔怕要做多層功夫， 可以選擇買colourmart既unprocessed yarn.織完再自己洗走冷上既oil. http://www.colourmart.com/eng
諗住織咩pattern比你mommy?
Sundara真係好貴呀! 不過佢個base yarn好靚，比較光身同滑，歐洲係完全冇呢種線架，但佢真係太貴…
Madelinetosh我都買左呀，不過寄左返香港，仲未有機會用. 美國真係有好多好靚的手染線. 不過英國買外國冷好煩，因為成日會俾海關扣起打稅，一打稅加埋手續費要無端端俾多20-40%!! 所以要買美國冷都要係呢度LYS買, 但呢度只有DIC, malabrigo 同Hand Maiden Casbah,連唯一一間有Koigu賣的都執左, Madelinetosh都係最近先有.
至於織俾媽咪的外套, 其實之前我訂左DIC Classy，但訂完之後先發現我媽咪鍾意桃紅色而唔係紅色… 好彩而家睇落都幾靚，所以都會用。
之後前日我都訂左colourmart呀!! 真係幾平, 不過佢好多silky merino同silky cashmere都冇貨，有貨的顏色全部都好沉, 唔啱我媽咪，所以我訂左一筒桃紅色300g的 merino dk.. 或者遲d睇下有咩小型project可以織俾佢。
我打算織Ysolda的 Vine Yoke Cardigan，因為我見Ysolda的pattern比較淺又寫得易明. FLS都係等我瘦到20kilo後自己織俾自己啦.
P.S. 我剛發現colourmart原來有一隻桃紅色的 linen/silk blend，幼少少係light DK/Sports weight，但係好似好適合香港呀。我訂左三卷，夾埋1200yds，或者試試打孖織 vine yoke cardi.