「我媽咪問…」
先此聲明，其實S不是那種裙腳仔型男生。起碼，跟我從前認識的男生或cousins相比，他真的絕對不是。結婚雖說是兩個人的事，但若不想將來幾十年都「面阻阻」，有些人有些事免不過要處理的。
(1)
「你同左你媽咪講話我地唔會擺酒架呵?」
「講左架啦，我媽咪話不如攪個dinner食餐飯咁囉。」
「啊，咁都ok… 唔係喎，你d咩咩澳洲人最鍾意downplay 所有野，你講清楚先，癲拿，癲咩拿先?」
「我媽咪話，可以幫我地攪個dinner喎… 之後收返d錢扣返開支之後俾我地喎…」
「咩咩咩收返d錢呀，收咩返咩d咩錢呀??? 咁同擺酒有咩分別呀，係咪唯一分別就係我唔駛一晚換七套衫同著裙褂咋? 我唔擺酒架喎… 」
(2)
「我媽咪話香港好多地方都可以注冊喎。」
「係呀，好似話求其(求其?!)有個律師定唔知牧師做證婚就得嘛，但都要排期申請架!」
「同埋我媽咪話可以上網交表。」
「係呀，但好似只係上網約時間，之後都係要親身去，同埋我地兩個都唔係香港總之就唔得啦。」
「啊…」
「嘩，你媽咪都做左好多research喎，我好驚呀…」
「er.. er… 唔會的，你都知我媽咪最鍾意上網睇呢睇路架啦…」
(3)
「我媽咪話問下你媽咪有咩要求喎。」
「要求? 咩咩咩要求呀?」
「即係好似咩禮金嗰d囉。」
「下，乜呢個年代仲有呢d野架? 係咪即係要買斷我同埋我第時個cashflow，唔俾我俾錢屋企人呀?」 「唔係呀…」
「咁你點同你媽咪講呀? 你冇幫我拒絕呀嘛? 你有冇話等我今晚問下先再答覆佢? 而家賣女咁大件事喎，我問清楚阿媽先… 」
(4)
「我媽咪問我你針唔針茶喎。」
「針茶? 針咩茶呀。針茶遞水做阿四那種?!」
「唔係呀唔係呀，即係倒茶給長輩嗰種。」
「車，硬係明啦，講下笑之嘛。但我地不打算唔擺酒又唔打算做乜，點解要junp茶呀。」
「er.. 」
「得，冇問題。針，一定針，令你阿媽同佢阿媽即你婆婆高興的事，我唔會唔做的。我唔會俾理由令人地唔鍾意我的。」
(5)
「話時話，你媽咪仲有幾多野先。仲同你講左咩呀? 佢知我地唔擺酒架嘩?」
「有呀，佢話都係同d親戚食餐飯就得…」
「我知呀，食飯之嘛，都應該。當係你見下d親戚囉… 」
「佢話同佢d親戚食一餐，同daddy d 親戚食一餐… 兩餐唔可以一齊食喎..」
「嘩，駛唔駛呀? 咁唔爭在同我d親戚都食一餐啦? 仲好，同我d親戚食嗰餐，我唔要食中菜，我要搵間decent 少少的意大利餐廳… 」
係咪即係要買斷我同埋我第時個cashflow，唔俾我俾錢屋企人呀?
依家賣女, 抵呀, 息口偏低…dicount rate 都低…
係喎, 你番來都同班舊同學舊同事食番餐…順道SHOW OFF 你成身金器…
你地幾時買龍鳳鈪?
邊有成身金器喎… 我地呢d窮人，又唔打算擺酒，買乜鬼金器喎… (ok 無論人地媽咪點講我都絕對絕對絕對唔會擺酒，呢個係底線)
你咪話龍鳳鈪呀，我連戒指都未買呀!! 睇左好多間都買唔落手。貴的唔捨得買(亦買唔起)，平的又唔靚。同埋唔知點揀同揀咩款好，總之好煩。
我想你們要為「擺酒」作一定義，以免有所誤會。
你哋打算會唔收人情（ie, ＄)，咁收唔收禮物呢？（例如wedding registry之類？）
還有，可能你的未來奶奶老早準備晒龍鳳鈪（我阿媽就喺咁，我好細個就已經見過喇，個時啲金平喎佢話），如果用唔着，就唔喺幾好啦。
結婚始終是兩家人的事，有時候難免會身不由己㗎。
唔… Eric你講得好，我諗我地真係要坐底傾傾究竟大家的底線係點…
我本來打算一齊食餐飯，唔收禮亦唔做wedding registry，但根據我朋友的講友，佢話d長輩會自動自覺俾禮… 所以我都唔知。同埋我唔打算請朋友啦，寧願私底下大家約出黎食飯聚聚，起碼大家傾到計，如果請一大班人自己又冇時間招呼悶親人地好似好慘。
“跟我從前認識的男生或cousins相比，他真的絕對不是” !!!haha~~ 言下之意即係我係!!?!??!??
哈哈，我都覺得奇怪，點解你冇對號入座… 硬係唔係啦，裙腳仔冇你份啦，你成日唔痴家，又冇成日阿媽呢阿媽路… 放心，我雖然唔係好多cousins，但總之就唔係你啦!
咁多「媽咪問」，點解唔直接呢hae？好似傳聲筒咁…=.=”"” 起碼唔洗分幾次問嘛~~~~~
我估佢媽咪係諗到乜就即刻email或者MSN佢去問，所以冇夾埋一次問掛… 我地今個週末會打電話去詳細同佢傾傾，電話講會清楚少少。:)
另外，你baking好勁呀!!! 我都好想自己可以識整多d野呀。（我去左你個blog未有時間認真留言但唔想打d無聊到此一遊message)