無題
因為不想用減肥作為題目，所以索性叫「無題」好了。
ok，今日開始減肥啦。
減肥其實不是為了拍婚妙照，只是因為… 本人心直口快的朋友甚多，以現在的情況，回香港時勢必有不少人老實地說我過去兩年肥了很多云云。為了堵著別人的口，唯有先堵著自己的口，少吃一點好了。
剛才中午食M&S的湯再加一個麵包。好好飲啊，是buttercup squash湯啊! 而且因為麵包浸湯後脹大，所以十分撐胃。今晚嘛，希望盡量不吃重澱粉質的主食，例如米同飯，只吃肉類和菜。我幾乎可以寫包單這個diet是萬無一失的 — 唯一失敗的可能是我自己忍不住口。
另外，我們暫時決定不會找人拍婚妙照，反而有興趣自己拍拍。當然人家專業的一定拍得很美，我們自己的可能不及，但拍得太美相片修飾得太多，不是會反而認不出自己嗎? 好吧，我承認我孤寒好了。拿一大筆錢去找人拍照片，不如我拿那堆錢買部新相機好了。我看中了新一代的1D啊…
同意…影那些流水式的婚紗相不如買枝鏡頭好過啦…
認不出自己的相, 不如不影.
你們去旅行的合照, 勝過那些婚紗相千百倍.
係呀，我寧願買攝影器材好過!哈哈，講真，我心目中理想的婚紗照，的確係一邊去旅行一邊隨處拍嗰種。
我們也沒有拍婚紗照呀,就只在當天請好的攝影師拍!
因為我們都認為拍照的目的是留住這一刻,而婚紗照便是造作的一刻.
我們自己拍了普通生活照放在reception便算了,可能我們也是孤寒.
加上妳們二人都是拍照高手,自己拍可能效果更好呀!!
我都有睇過你地結婚當日的相，好靚好自然呀。我都覺得搵人拍過程／花絮／生活照，好過擺晒pose著晒禮服去森林原野。
M&S嘅湯喺好好飲嘅。其實M&S做嘅食物喺好過waitrose嘅。不過waitrose嘅肉類品種好啲。
香港啲審美觀好怪異，要瘦到一條藤先係正常。
我都覺得M&S現成的湯同ready meal好過其他超市，不過你講得啱，新鮮食物無論係肉定蔬果，我覺得waitrose好d選擇多d。
最慘我距離一條籐有幾十光年，所以你話我返到香港仲唔俾人煩死咩…
話時話，頭先我又飲左一大杯M&S湯做lunch，等我睇下日日唔同款要飲幾多日先重覆先… (我都知我好鬼無聊架啦…)
hmm… 永遠有長輩對於「唔擺酒」呢件事持「開放態度」但係作「守舊行動」。其實亞媽咪話要同親戚食飯, 其實意思就係想話俾全世界知佢個仔/女結婚囉~ 真實事例, 朋友註冊結婚當日一切從簡, 只得親戚朋友食左兩圍下午飯… 之但係個多月後朋友既媽媽生日, 朋友既媽媽話擺左幾圍o係酒樓同親戚食飯(唔係壽酒喎!) 到當日, 個個黎到既親戚都走去恭喜我朋友, 封晒利是, 俾晒金器, 有D 仲問, MUG 今日唔係你地結婚擺酒咩? …
總之, 「唔擺酒」同埋一切從簡既婚禮, 其實冇你想像中「唔駛煩」, 要煩既事一定有…
你要寫你結婚既事o係黎度呀~ 我撐你!! 加油~~
嘩! 你講個故仔好得人驚呀… 不過有利是同金器收我都唔拘架。其實我最抗拒擺酒，係因為唔想見到那些無聊遊戲、唱歌睇片… 同埋唔想一晚換六七套衫(聽聞呢個係香港的standard? 我同個鬼妹同事講起佢簡直唔相信)…
好多擺酒依家都無無聊遊戲架啦(我地都無);一晚換六七套衫都係隨自己喜好,係因為香港D租衫服務package,D人至著咁多,我都係得一件婚紗,同一件晚裝就算啦.唱歌睇片?唔係個個要架. 根本無standard呢樣野,係妳自己想個婚禮係點咪就點囉!
don’t make it sounds so complicate!!
其實我最想的是… 唔想有婚禮。我最想係可以安安靜靜朝早跑去簽個名就算，最多之後同相熟親友食餐飯… 但我唔想男友媽咪唔高興唔鍾意我呀…做左一家人就係成世啦，第時如果要去澳洲生活，睇怕都要成日見面，我唔想面阻阻嘛。所以… 而家睇下點樣一人讓一步啦。:)
香港的standard –> 我有我風格，有時破格，先能帶嚟驚喜。旅行結婚，我舉腳讚成！
揀衫時, 最緊要暴露少少, LOL
廢事有人以為你因為有”饀” 侷住結婚…
咁其實最緊要唔係暴露… 最緊要瘦… 瘦瘦瘦瘦瘦….
係喎，越洋挑戰者，你開始左未呀? 定係要等埋食多親牛扒先?
哈哈，我唔駛驚喜架，無驚無險事事攪掂就得架啦。
原本我地係話去Vegas注冊架，但因為我要返香港辦簽證，講講下就變左返香港注冊啦… 我都唔知點解…